كوكشەتاۋدا 100 جاس پەداگوگتىڭ باسىن قوسقان ەكىنشى وبلىستىق فورۋم وتكىزىلدى. فورۋمعا جالپى ءبىلىم بەرەتىن مەكتەپتىڭ مۇعالىمدەرى مەن تەحنيكالىق جانە كاسىبي ءبىلىم بەرۋ ۇيىمدارىنىڭ پەداگوگتارى قاتىستى.
وركەن باقىتنۇر بيىل استانا ۋنيۆەرسيتەتىن پەداگوگيكا ماماندىعى بويىنشا ءتامامدادى. قولىنا ەندى ديپلوم العان جاس مامان ويلانباستان, ارشالى اۋدانىنداعى جىبەك جولى اۋىلىنا كەلەدى. جاس مۇعالىم كاسىبي جولىن تومەننەن باستاۋدى ء جون كورىپتى.
– جاستارعا قولداۋ وتە جاقسى ويلايمىن. «ديپلوممەن – اۋىلعا!» باعدارلاماسىمەن اۋىلعا بارىپ, جۇمىسىمدى ىستەپ جاتىرمىن. اۋىلدى ءبىز كوتەرمەسەك, كىم كوتەرەدى؟! ارقايسىمىز ءوز ۇلەسىمىزدى قوسۋىمىز كەرەك قوي,- دەيدى وركەن باقىتنۇر.
فورۋمعا 5 جىلعا دەيىن ەڭبەك ءوتىلى بار ۇزدىك 100 جاس پەداگوگ قاتىستى. شارانىڭ ەرەكشەلىگى – جاس ماماندارعا نۇر-سۇلتان مەن الماتى قالالارىنداعى جوعارى وقۋ ورىندارىىنڭ وقىتۋشىلارى شەبەرلىك ساعاتىن وتكىزدى. بۇگىندە جاس ۇستازدارعا كورسەتىلەر كومەك تە كوپ.
ءوڭىردىڭ ۇزدىك پەداگوگتارى جاستارعا ترەنينگتەر وتكىزىپ, ءوزارا تاجىريبە الماستى. شارا سوڭىندا ۇزدىك جاس ماماندار ماراپاتتالدى. ايتا كەتەيىك, قازىرگى تاڭدا وبلىستا 4 مىڭداي جاس مۇعالىم بار. ولاردىڭ بەس جۇزدەيى بۇل قاتارعا بيىل قوسىلعان. جىل ارتقان سايىن جاس مۇعالىمدەر قاتارى كوبەيىپ كەلەدى.
كوكشەتاۋ قالاسى